Psyco M - Tlassem / طلاسم
معا 3 تع الصباح نوقز التاليفون
قامت مالفرش هزت باش تشوف شكون
صوت مبحاح تع مرا كبيرة و نومرو مالاجونس
قالتها انتي وحدة مالبنات لي ربحو فاكانس
قبل بجمعة نتي و اصحابك عمرتي الوراق
الڨروپ لي قريتو معا بعضكم مالمكتب للفاك
لميناكم بش تعديو معانا un semaine
عالقصر لي معا الجبل لي دائرة بيه الوديان
بعد 3 أيام نوقز الناقوس قدام الباب واقفة كار يسوق فاها عزوز
تلقى صحباتها متع الصغرى كلهم ملمومين خرجت دبشها وطلعت ركبت عاليمين
برشا جو برشا ضحك عداوه فالكار
وهيا طريق كامل عالشباك تتفرج مالبلار
لين تعبت هزها نوم خاطر طريق طويل
حتى لفيقوها صحابك كي وصلو نص الليل
وقفو قدام قلعة مبنية بالحجر
و مرا كبيرة تستنا واقفة قدام القصر
Vous êtes le bienvenu قاتلهم ادخلو تمشاو
قاتلهم ارتاحو مباعد باش تتعشاو
قصر متغير اضواو شاعل كلو شمع و صوت غريب فالكولوار بشوية يتسمع وريوس حيوانات معلقة فالحيوط و سقف عالي كل coin فئة خيط عنكبوت دخلو قعدو عالطاولة في لحضة الكاملة جات
ركزو كيسان و بدا الحديث و بدات صوت ضحكات بدات الذكريات بالشوي تتجبد حتى ليحست راسها وجعها و بدات تفد هوما يحكيو و هي تسمع اما موش هنا الطقس صافي و في وذنيها فما صوت شتاء تشوف فيهم يتكلموا اما مفماش صوت كل لحضة تتعدا تحسها ساعة باش تفوت الوقت ولى رزين شنيا قاعد يصير وقت تحسو غارق و يبلع فيها كي البير بدات تمد في يديها فماش شكون يعاون بدنها صفار و بالاكحل عينيها بدات تتلون هزت راسها باش تشوف ملقات حتى حد بدات دقات قلبها تطلع و النفس عليها تسد لا عاد فما كيسان لا صاحبتها البنات و صوت عياط و بكاء في بلاصة الضحكات ساقيها بدات ترزان تحاول باش تقوم مخها فايق اما بدنها يجبد فيه النوم سؤال كيفاش غادي وصلت و مع شكون جات تصاور مقطعة في راسها و برشة فلاش باكات بدنها جامد عالكرسي بدات تتفكر لصار تفكرت لي ما جاها حتى تليفون في دار طبيبة عزوزة توشوشلها من وراء البلار قامت تمشي حفيانة و خرجت من سبيطار ساقيها تنزف دم تشق وحدها في الغابة عمرها 20 سنة لابسة منديلة و كرطابة تمشي بالسيف تتحرك بخطوات ثقيلة تغني في غناء صغر و تلعب بفلس المنديلة دنيا ضلام قصت عالغابة بين الشجر في وسط الطريق تمشي لوطا عرضها قبر فيه ارقام و اسم عليه منحوت و date de naissance و تاريخ الموت دورت راسها مشات كينها مشها تشوف متاع عبد حاجة تسوق فيه لطريق ماهوش معروف حتى وصلت للقصر دخلت من باب ريح يزفر من الشباك صوت نبيح كلاب غادي تنحا الفلاش باك و فهمت لحكاية بدنها جامد عالكرسي و قاعدة يشوف في المراية تشوف في خيال وراها قاعد يقرب و يجي حاولت تقوم اما معادش عندها Énergie خيال يخوف بالشوي في ضلام بدا يترا طفلة صغيرة بروبة بيضاء واقفة وراها مرا حست يدين على كتافها كي الخيال ولى قريب طبست عليها توشوشلها كلام بصوت غريب بدات تصيح و تعيط و صوت ماهوش مسموع الريح دخلت من شباك و بدات تطفي في شموع تلفت باش تشوف وراها تفهم الموضوع شافت طفلة صغيرة واقفة في عينيها دموع تخزرلها خزرة قريبة و دم على الروبة في ايدها عروسة مقطعة و عينين بيضة مقلوبة هي ولات مروعبة مراية بدات تتكسر حاجات يدورو بجنبها و صعيب كان باش تتفسر دموع ولوا دم اكحل كي طفلة بدات تصيح الحيوط تتصدع و ريدوات يهزها الريح بدات تتحول و وجها خياب خرج منها انياب و ضوافرها بدات تتكسر من تقرقيش الباب الاثاث بدا يتحرك و نفس بدا يضيق طفلة صغيرة كائن اخر بدا منها يفيق حاجة bizarre كيفاش تتحرك و تمشي عالحيط تمشي على اربعة اطراف واقفة في سقف متاع البيت ساقيها كيف البهيم و راسها معزة و ڤرون و باقي سيلولات مرا في بدنها شر مسكون شعرها اكحل مغطي وجها لسانها كيف الحنش بدنها يتزلبط يقزز ماهيش لابسة دبش قاتلها اسمها بصوت يخوف خشين اما حزين هي تشوكات و تفكرت حاحة قبل 10 سنين رجعت لايام مكتب جات في راسها ذكريات حاجة غريبة نحكيهالك انا كيفا جات صوت رعد قوي من فوق المطر تصب كرتابة ملوحة في قاعة خارجة منها الكتب طفلة صغيرة شعرها طويل واقفة في كياس شعرها مغطي وجها متحبش تشوف الناس ساقيها رزينة تمشي قربت للحيط و اتكات غطات وجهة خاطر تعداو ضحكو عليها بنات يقراو معاها قالو شدو عليها دوسيات شدت روحها و اترشطت بالغصة لين بكات خزرولها خزرت استهتار و جات العين في العين هي طبست راسا لوطا تبكي بوجه حزين البدن يرعش و العينين متاعها ولت حمراء كل كلمة يقولوهالها في صدرها تحرق كي الجمرة خاطرها كانت ديما عاقلة تجيب اكثر نوتات كانت من نوع لديما ساكتة تلبس لينات نهار كملت من كلاس و مشات لتوالات سمعت باب تسكر خلطو عليها 4 بنات قدام المريا قصولها شوافرها بالمقص طيحوها و بركو عليها حتى لين تسد عليها نفس قطعولها حوايجها ذلوها و عاملوها بأهانة و بعد جبدو تليفون و صوروها عريانة ضحكو عليها كي مسخولها وجها بالبزاق وحدة بالكف و لخرة في وجها مشطة بالساق هي في قاعة شتقوم بدنها مطوعهاش مطيشة لوطة بالغصة مرحموهاش بالنسبة ليها نهار اذكا بدا تاريخ جديد بدا تاريخ عيشة تحت خوف و تهديد خايفة لا تصاورها في مكتب تتنشر ولات تخمم في عيلتها ما تحبهاش تتضر روحت من مكتب تجري طيشت الكرطابة الشتاء تصب عليها و تجري وحدها في الغابة دموع على خدها تخلط بقطرات المطر حتى لين سمعت صوت مبحاح من بين الشجر بدات تتبع في صوت كل مرة يهزها لدورة حتى لقات مرا عزوزة واقفة قدام دار مهجورة مرا دارت بالشوية دخلت سكرت الباب خلطت عليها لقات في قاعة لوطا فما كتاب لصار كلو كينو تعدا في لحضات هزت كتاب و بدات تقلب في صفحات هزتو بين يديها و روحت تجري لدار في راسها تدور تصاور حزينة تلخص لصار شعلت شمعة و قعدت قدام المراية حلت الكتاب و بدات تقرا من البداية مع كل سطر تقراه تبلها الحروف مع كل صفحة تدورها تزيد تغرق في الخوف مع كل كلمة تقراها تقرب للوقت الحاسم المراية بدات تتشقق تكتب عليها طلاسم الدم هابط من عينها ولات بيضة مقلوبة دم غريب لونو اكحل يقطر
عالروبة طلاسم ولات حروف مكتوبة بالمقلوب و حاجات طلعت بحنبها تدور عليها بالمزروب بدات تسمع في كلام يتعاود ماهوش مفهوم ماهيش تتحكم في بدنها تحس في روحها بدات تقوم لقات روحها بين هواء و فضاء كينها تطير و تحتها نجمة مرسومة بدات تتحل كي البير الريح ولات تنفخ في البيت كل شي تقلب و بدات تسمع في صوت قاللها شنيا تحب ببدن ماهوش واعي مكسر كي الحطام قالتلو ما نحب شي نحب كان الانتقام قاللها نفذهولك وقت لي تبيعلي الروح قاتلو خوذ كل شي مهم داويلي الجروح طاحت عالارض و خذات لقشة مكسرة من البلار قطعت عروقها و قالتلو نهديلك انتحار الروح طالعة و بدنها تقطع الم كتبت الاسامي متاع البنات عالمراية بالدم ضهرو ڤروب من الخيال و لقرونو بان قرا الاسامي و قاللها تو قبلتك قربان هي خزرتلو بعين ذبلة و صوت حزين بصوت يخوف قاللها نتقابلو بعد 10 سنين تنحى الفلاش باك و رجعنا للقصر وحدة من البنات لتجسد قدمها الشر من سقف متاع البيت راس معزة في ظلام بصوت خشين يخوف بدات تقول في كلام " اهلا بيك تو في عالم متاعي ما يغركش شكلي يخاوف دايرة بيا افاعي قبل كنت طفلة صغيرة عادية كيف البنات كنت نقرا على روحي عاقلة نلبس لينات عاملتوني بأهانة ذوقتوني المرار لزيتوني نبيع روحي في عالم الاسرار قدمت روحي قربان هديتلو انتحار 10 سنين بدني تحت تراب يتحرق بالنار ما بين حياة و موت عالم ما فيهوش صوت ما نشوف في شي في ظلام نتعذب في تابوت وحدي تحت تراب مطيشة بين الاموات قعدت نستنا في لحضة هاذي لين اليوم جات " في لحضة هذيكا الحيوط ولات شقوق صوت طلاسم يتقرا و حاجات هابطة من فوق فم طفلة بدا يتحل بعينيها شنوا رات بدنها ينمل و فمها يخرج في حشرات و بدات طلاسم على بدنها تتكتب بالدم الجلد متاعها بدا يذوب و بدات ترد في غرم ضوافرها بدات تطيح ضلوعها بدات تتكسر هي تتلوى من وجيعة لوطة بدات تتعصر بدات تقول في كلام بدات تطلب في سماح تتوسل هزت يديها طلبت موت باش ترتاح معاش تقدر تتحمل وجيعة ماشية و تزيد تصيح من خزف قريب يطرشقلها وريد حاجات غريبة تتجسد قدامها بدات تبان هزت عينها فوق راسها لفوق تلقاه واقف رهبان بدا يدور عليها تلف عليها كي ثعبان و في وذنيها توشويش طلاسم لتقرا فيها الجان بعينها قاعدة تشوف في بدنها ياكل فيه دود و طفلة صغيرة تصور في نجمة اليهود الصياح ماشي و يزيد بدا يتفتفت البدن سبعة يدين خرجوا من ظلام و لبسوها كفن تسكر عليها تابوت منقوش عليه كتيبة و طلاسم على كوبة مكتوبة بحروف غريبة بلعتو الارض ولى في قبر محطوط عليه date de naissance و عليه تاريخ الموت و هي تسمع في صوت قالها بكل وضوح تو لا عاد يموتلك البدن لا عاد تموتلك الروح انسى عالم لشوفتو تو حياتك لهنا طلاسم شتخليك تتعذب هوني 1000 سنة الصوت اختفى قعد كان تزفير الريح القصر كلو سكات فيه كان لوطا صوت يصيح شموع طفا و خيال خرج سكر باب بضوء ڤمرة شجر في غابة مغطيها ضباب الشتاء تصب طقس مسحب بعد ايامات في بيت في سبيطار قاعدين 3 بنات مرا عزوزة وراء البلار
وجها شاحب اللون و بدات تقول في كلام و نوقز تليفون ....
0 comments:
إرسال تعليق